ໃນຊ່ວງທີ່ ເຊື້ອໄວຣັສ Covid-19 ກຳລັງລະບາດຫນັກທົ່ວໂລກ ແລະ ປະເທດຫນືງທີ່ຫນ້າເປັນຫ່ວງ ກໍ່ຄື ປະເທດອິນເດຍ ເຊີ່ງມາເຖີງ ປັດຈຸບັນນີ້ ອັບເດດລ່າສຸດ ອິນເດຍ ມີຍອດຜູ້ຕິດເຊື້ອຕໍ່ມື້ສູງອັນດັບຫນື່ງ ແລະ ມີຍອດຜູ້ຕິດເຊື້ອຫລາຍເປັນອັນອັບ 3 ຂອງໂລກ.
ໂຊກດີເມື່ອປະມານ ຕົ້ນເດືອນ ມິຖຸນາ ມີເຈົ້າສັດທາ ຊົມຣົມຄົນຣັກດີ ດັ່ງ ໂພສ ໃນເຟສບຸກວ່າ ຂໍອະນຸໂມທະນາບຸນ ຊົມຣົມຄົນຮັກດີ ທີ່ໄດ້ເປັນຕົວແທນ ສາຍບຸນ ຖວາຍປັດໄຈ 1,2 ລ້ານບາດ (ຫນື່ງລ້ານສອງແສນບາດ) ຖວາຍແດ່ ຄະນະສົງສາມະເນນ ໄດ້ກັບປະເທດລາວ ພ້ອມໄດ້ຊ່ວຍເຫລືອພີ່ນ້ອງຊາວລາວໄດ້ມີໂອກາດກັບປະເທດບ້ານເກີດຂອງຕົນເອງ “ຢູ່ໃສ່ກໍ່ບໍ່ສຸກໃຈເທົ່າບ້ານເຮົາ” ວະລີນີ້ຍັງໃຊ້ໄດ້ສະເຫມີ ຂໍອະນຸໂມທະນາບຸນຄຸນໂຍມຊົມຣົມຄົນຣັກດີ ທີໄດ້ຮ່ວມເປັນສະພານບຸນໃນການອຸປະຖາກຄະນະສົງຕະຫລອດມາ ແລະ ອະນຸໂມທະນາບຸນແທນພີ່ນ້ອງຊາວລາວທີ່ໄດ້ມີໂອກາດກັບປະເທດລາວທຸກທ່ານ ຂໍໃຫ້ຜູ້ທີ່ໄດ້ຮ່ວມບຸນໃນຄັ້ງນີ້ຈົ່ງມີແຕ່ຄວາມສຸກ ຄວາມຈະເລີນມີສຸຂະພາບທີ່ແຂງແຮງລ່ຳລວຍດ້ວຍຊັບສົມບັດ ຢ່າເຈັບຢ່າຈົນ ທຳການສິ່ງໃດ່ຂໍໃຫ້ບັນລຸສຳເລັດຫນ້າທີ່ການງານຈະເລີນກ້າວຫນ້າດວ້ຍເທີດ ສາທຸ ສາທຸ ສາທຸ
ຈາກການສອບຖາມພຣະນິລັນດອນ ຫນື່ງໃນພຣະສົງລາວຮູບຫນື່ງທີ່ຂື້ນຍົນຈາກອິນເດຍມານະຄອນຫລວງວຽງຈັນ ກ່າວວ່າ ມີຄະນະມາພ້ອມກັນ 67 ຮູບ/ຄົນ ເປັນພຣະສົງສາມະເນນ 42 ຮູບ ອຸປາສົກ (ພໍ່ອອກ) 13 ຄົນ ອຸປາສິກາ (ແມ່ອອກ) 12 ຄົນ.
ຫລັງຈາກພຣະສົງລາວ ແລະ ຄະນະ ມາເຖີງປະເທດລາວ ໄດ້ມາພັກພາອາໄສຢູ່ໃນສູນ ທີ່ຫຼັກ 27 ເປັນເວລາ 14 ວັນ ຕາມມາດຕະການປ້ອງກັນການແຜ່ລະບາດຂອງໂຄວິດ 19 ຈື່ງໄດ້ຮັບການອະນຸຍາດໃຫ້ເດີນທາງກັບພູມລຳເນົາຂອງຕົນ ຕາມອັດຖະຍາໄສ.
ຄະນະກຳລັງກຽມໄປຂື້ນເຄື່ອງບິນ
