ໃນທຸກປີຜູ້ອອກແຮງງານ ຫຼື ລູກຈ້າງໃນຫຼາຍປະເທດຈະໄດ້ພັກວຽກໃນວັນກຳມະກອນສາກົນ ຫຼື ວັນແຮງານສາກົນ ເຊິ່ງກົງກັບວັນທີ່ 01 ພຶດສະພາ ຂອງທຸກໆປີ ເພື່ອໃຫ້ທຸກຄົນໄດ້ລະນຶກເຖິງຄວາມສຳຄັນຂອງວັນກຳມະກອນ ແລະ ໃນປະເທດລາວເຮົາກໍ່ຖືເອົາມື້ນີ ເປັມື້ພັກກຳມະກອນ ເຫມືອນກັບຫຼາຍປະເທດ ເຊີ່ງໃນປະເທດລາວເຮົາເອງ ກໍ່ມີກຳມະກອນ ຜູ້ອອກແຮງງານຫຼາຍແສນຄົນ. ຜູ້ອອກແຮງງານຖືເປັນແຮງຂັບເຄື່ອນເສດຖະກິດໃນທຸກພາກສ່ວນ ເຊີ່ງມື້ນີ້ ເດັກວັດລາວກໍ່ໄດ້ ໄດ້ຮວບຮ່ວມເອົາປະຫວັດຄວາມເປັນມາຂອງວັນກຳມະກອນສາກົນມາເລົ່າໃຫ້ທຸກຄົນໄດ້ອ່ານ.
ເມື່ອ 130 ກວ່າປີກ່ອນ ຂະນະທີ່ໂລກເຂົ້າສູ່ຍຸກອຸດສາຫະກຳ ຜູ້ປະກອບການໃຊ້ເຄື່ອງຈັກຄວບຄູ່ກັບແຮງງານມະນຸດໂດຍບໍ່ມີສະຫວັດດິການ ຫຼື ຂໍ້ຕົກລົງທີ່ຊັດເຈນ ລະຫວ່າງ ນາຍຈ້າງ ແລະ ລູກຈ້າງ, ຈົນມາຮອດປີ ຄສ 1989 ແຮງງານໃນສະຫະຣັດໄດ້ຮຽກຮ້ອງໃຫ້ກຳນົດເວລາເຮັດວຽກສູງສຸດມື້ລະ 8 ຊົ່ວໂມງ ລວມເຖິງໃຫ້ທົບທວນສິດທິຂອງແຮງານດ້ານອື່ນຕາມຄວາມເໝາະສົມ ຈົນກາຍເປັນການຊຸມນຸມທີ່ຍິ່ງໃຫຍ່ ຢູ່ທີ່ Haymarket Square ສະຫະຣັດອາເມລິກາ.
ການປະທະກັນລະຫວ່າງກຸ່ມແຮງງານ ແລະ ຕຳຫຼວດສົ່ງຜົນໃຫ້ມີຜູ້ບາດເຈັບ ແລະ ເສຍຊີວິດທັງສອງຝ່າຍ ທົ່ວໂລກຍົກຍ້ອງຄວາມກ້າຫານຂອງການຕໍ່ລອງຄັ້ງນັ້ນ ລະຫວ່າງຂະບວນການແຮງງານ ແລະ ລັດຖະບານ ດ້ວຍການກຳນົດໃຫ້ວັນທີ່ 01 ພຶດສະພາ ຂອງທຸກປີ ເປັນວັນກຳມະກອນສາກົນ ຫຼື ທີ່ເອີ້ນກັນອີກຊື່ໜຶ່ງກໍ່ແມ່ນ ເມເດ່ (May Day).
ການປະທະກັນລະຫວ່າງແຮງງານ ກັບ ລັດຖະບານໄດ້ເກີດຂຶ້ນຢູ່ຫຼາຍໆ ປະເທດ ເພື່ອເຈລະຈາຕໍ່ລອງໃຫ້ເກີດການຈ້າງງານຢ່າງເປັນທຳ ລວມເຖິງການຈັດສະຫວັດດີການທີ່ເໝາະສົມດ້ານຄວາມປອດໄພຕໍ່ສຸຂະພາບຂອງແຮງງານ ໃນລະຫວ່າງການປະຕິບັດໜ້າທີ່, ຕົວຢ່າງປະເທດທີ່ໃຫ້ແຮງງານໄດ້ພັກວຽກໃນວັນທີ່ 01 ພຶດສະພາ ໄດ້ແກ່ ສະຫະລັດອາເມລິກາ ຈີນ ເຢຍລະມັນ ຝລັ່ງ ອິຕາລີ ອິນເດຍ ສີລັງກາ ຫວຽດນາມ ໄທ ລາວ ເປັນຕົ້ນ.
ແລະ ປະເທດອື່ນ ທີ່ມີວັນກຳມະກອນ ແຕກຕ່າງ ເຊັ່ນ
ປະເທດອົດສະຕາລີ ມີວັນກຳມະກອນແຫ່ງຊາດ ຄື ວັນຈັນທຳອິດ ຂອງເດືອນ 10, ແຕ່ບາງຣັດ ເຊັ່ນວ່າ ພາກໃຕ້ຂອງອົດສະຕາລີ,ວີກຕໍເຣຍ,ຕັດສະມາເນຍ ເປັນວັນຈັນທີ່ສອງ ຂອງເດືອນ 3.
ບັງກະລາເທດ ແມ່ນ ວັນທີ່ 24 ເມສາ ປະກາດເປັນວັນຄວາມປອດໄພຂອງກຳມະກອນ
ແຄນນາດາ ແມ່ນວັນຈັນທຳອິດຂອງ ກັນຍາ ຕັ້ງແຕ່ປີ 1594
Sources:
